Güllə atıcısı İradə Aşumovanın oğlu Ruslan Lunyov, Gürcüstanda keçirilən beynəlxalq turnirdə 28 iştirakçı arasında 669,5 xal toplayaraq çempion olub.

Ölkəmizin ən titullu güllə atıcısı İradə Aşumovanın oğlu Ruslan Lunyov, Gürcüstanda keçirilən beynəlxalq turnirdə qızıl medal qazanıb. 10 metr məsafəyə pnevmatik tapançadan atəş açmada 28 iştirakçı arasında 669,5 xal toplayan Ruslan çempion olub. Bu gün daha bir güllə atıcımız Camal Novruzzadə mübarizəyə qoşulacaq.
Qeyd edək ki, Gürcüstandakı turnirdə qadınların mübarizəsində xanım güllə atıcımız, Afina Yay Olimpiya oyunlarının bürünc medalçısı İradə Aşumova, 10 metrlik məsafəyə pnevmatik tapança ilə atəş açmada 471,8 xal toplayaraq, yarışın gümüş medalına sahib çıxmışdı.