9-10 may tarixlərində keçiriləcək yarışda 28 gimnast iştirak edəcək.

Sabah Bakıda Heydər Əliyevin anadan olmasının 86 illiyinə həsr olunmuş Akrobatik gimnastika üzrə Azərbaycan çempionatı start götürəcək. Azərbaycan Gimnastika Federasiyasından ANSPRESS-ə verilən məlumata görə, 9-10 may tarixlərində keçiriləcək yarışda 28 gimnastın yer aldığı 4 komanda iştirak edəcək. Ölkə birinciliyində, Bakı Şəhər Baş Təhsil İdarəsinin İxtisaslaşdirilmiş Gimnastika Məktəbinin, Neftçi İdman Sağlamlıq Mərkəzinin, Nizami Rayonunun İxtisaslaşdırılmış Olimpiya Ehtiyatları Məktəbinin və Dəvəçi rayonunun gimnastları mübarizə aparacaq.