Turnirin qalibi Serbiya avarçəkənləri olub.

Yeniyetmə avarçəkənlərimiz Almaniyanın Münhen şəhərində keçirilən beynəlxalq turnirdə fəxri kürsünün üçüncü pilləsinə qalxıblar. Söhbət Teymur Kutseba və Aleksandr Qlotov cütlüyündən gedir. Təmsilçilərimiz 2 nəfərlik təkavarlı qayıqda 2000 metrlik məsafəni 7 dəqiqə 16 saniyəyə qət edərək Münhen turnesinin bürünc medalını qazanıblar. Turnirin qalibi adını 2000 metr məsafəni 7 dəqiqə 4 saniyəyə qət etmiş İqor Luçiç və Luka Corceviçdən ibarət Serbiya avarçəkənləri qazanıblar. Finiş xəttini ikinci Foşi Benjamin və Muano Matio duetindən ibarət Fransa komandası keçib. Fransızlar duetimizi 4 saniyə üstələyiblər.