Yevlax klubu qış transfer pəncərəsində heyətinə yeni futbolçular cəlb edəcək.

Premyer Liqanın iddialılarından sayılan Yevlaxın "Karvan" klubu qış transfer dövründə heyətinə bir neçə futbolçu cəlb etmək istəyir. Klubun İdarə Heyətinin sədri Şahmar Vəliyevin Peşəkar Futbol Liqasının rəsmi internet səhifəsinə verdiyi məlumata görə, transfer siyasəti əsasən müdafiənin gücləndirilməsinə yönələcək. "Karvan" bu il qarşısına qoyulmuş hədəfi dəyişməyib. Klub bürünc medala iddiasını gizlətmir. Xatırladaq ki, I dövrədən sonra "Karvan" 25 xalla 6-cı pillədə qərarlaşıb və liderdən 6 xal geri qalır.