"İnter" klubu qış transfer dövründə heyətinə 4 yerli futbolçu cəlb edib.
Qapıçı Səlahət Ağayev və müdafiəçi Orxan Məmmədov İmişlinin MKT-"Araz", müdafiəçi Elçin Həşimov "Bakılı", yarımmüdafiəçi Rövşən Əmiraslanov isə MOİK klubundan transfer olunub. Klubun baş menecerinin müavini Kamran İsmayılovun www.pfl.az saytına verdiyi xəbərə görə, bu futbolçularla müqavilə uzunmüddətlidir və perspektivə hesablanıb. Bundan əlavə "İnter" müqaviləsi başa çatmış 4 futbolçusu ilə yeni razılıq əldə edib. Samir Abbasov, Milan Zaqorats, Əliyar İsmayilov və Fuad Əhmədov da uzunmüddətli müqaviləyə imza atıb.