İngiltərənin "Liverpul" klubu öz meydanında "Real Madrid"i 4-0 hesabı ilə məğlub edib.

Dünən gecə keçirilən 4 qarşılaşmadan sonra Çempionlar Liqasında ¼ finala yüksələn ilk 4 komandanın adı bəlli oldu.

Çempinlar Liqasında 1/8 final mərhələsinin ilk matçında səfərdə 5-0 hesabı ilə məğlub etiyi Portuqaliyanın "Sportinq" klubunu öz meydanında qəbul edən "Bavariya" ikinci matçda da böyükhesablı qələbə qazanıb. Öz meydanında 7-1 hesablı qələbə qazanan alman klubu ¼ finala vəsiqə qazanıb.

Çempionlar Liqasında 1/8 final mərhələsinin revanş matçında səfərdə "Yuventus"un qonağı olan "Çelsi" adını ¼ finala yazdırıb. Qarşılaşmanı 10 nəfərlə başa vuran İtaliya klubu qarşısında 2 dəfə məğlub duruma düşməsinə baxmayaraq, Essien və Droqbanın vurduğu iki qol "Çelsi"ni ¼ finala daşıyıb.

İspaniyada keçirilən ilk qarşılaşmada Benayounun qoluyla 1-0 məğlub etdiyi "Real Madrid"i, öz meydanında 4-0 hesabı ilə məğlub edən "Liverpul" ¼ finala vəsiqə qazanıb. İlk matçda zədə səbəbindən meydana çıxamayan Stiven Cerrard revanş matçında vurduğu qollarla matça damğasını vurub.

El Madriqalda 1-1 heç-heçə oynadığı "Panatinaykos"u Afinada məğlub edən "Villareal" ¼ finala yüksəlib.

1/8 final mərhələsinin revanş matçlarında qeydə alınmış nəticələr belədir:

Bavariya (Almanya) - Sportinq (Portuqaliya): 7-1 (ilk matç 5-0)
Yuventus (İtaliya) - Çelsi (İngiltərə): 2-2 (0-1)
Liverpul (İngiltərə) - Real Madrid (İspaniya): 4-0 (1-0)
Panatinaykos (Yunanıstan) - Villarreal (İspaniya): 1-2 (1-1)

Çempionlar Liqasında 1/8 final mərhələsində daha 4 qarşılaşam isə bu gün keçiriləcək.

23:45 Roma (İtaliya) - Arsenal (İngiltərə)
23:45 Barselona (İspaniya) - Lion (Fransa)
23:45 Porto (Portuqaliya) - Atletiko Madrid (İspaniya)
23:45 Mançester Yunayted (İngiltərə) - İnter (İtaliya) (ANS TV)