Danışıqların son mərhələsində problem yaranmasa, kluba gələn mövsümdən “Pari Sen Jermen”in baş məşqçisi Pol Le Quen rəhbərlik edəcək.

Türkiyənin “Qalatasaray” klubunun yeni baş məşqçi axtarışları nəticə verməkdədir. ANS PRESS, “LİG” televiziyasına istinadən xəbərə görə, futbol klubunun nümayəndəsi Haldun Üstünel, “Pari Sen Jermen” komandasının baş məşqçisi Pol Le Quenlə görüşmək üçün Parisdə olub və daşıqlarda nəticə əldə edilib. Baş məşqçinin “Qalatasaray”a keçidinin detallarını müzakirə etmək üçün klubun baş direktoru Adnan Sezgin də Fransa paytaxtına çağırılıb.
“Qalatasaray” nümayəndələrinin Pol Le Quenlə detalları da müzakirə edədcəyi və son anda problem yaranmayacağı təqdirdə fransalı məşqçinin növbəti mövsümdə İstanbul klubuna rəhbərlik edəcəyi gözlənilir.
Qeyd edək ki, Pol Le Quen 1998-ci ildən sonra Fransanın “Renn” və “Olimpik” (Lion), Şotlandiyanın “Qlazqo Reyncers” komandalarının baş məşqçisi olub. O, 2007-ci ildən bu yana “Pari Sen Jermen”ə rəhbərlik edir.